უკრაინამ სალომე ზურაბიშვილი ყირიმის პლატფორმის მე-4 სამიტზე მიიწვია
უკრაინამ საქართველოს პრეზიდენტი სალომე ზურაბიშვილი ყირიმის პლატფორმის მე-4 სამიტზე მიიწვია. ამის შესახებ უკრაინის საქმეთა დროებითმა რწმუნებული მიხაილო ხარიშინი ipn.ge-სთან ინტერვიუში საუბრობს.
მისი თქმით, ზურაბიშვილს მოწვევა საელჩო საშუალებით გადაეცა.
"უკვე გავიხსენე, რომ საქართველოს პრეზიდენტმა სალომე ზურაბიშვილმა მონაწილეობა მიიღო შვეიცარიაში მშვიდობის პირველ გლობალურ სამიტში; საქართველო მონაწილეობას იღებს ყირიმის საერთაშორისო პლატფორმის მუშაობაში. წელს, სხვათა შორის, ყირიმის პლატფორმის მე-4 სამიტი გაიმართება 11 სექტემბერს კიევში. უკრაინამ საელჩოს საშუალებით გადასცა მოწვევა საქართველოს პრეზიდენტს სალომე ზურაბიშვილს მიიღოს მასში მონაწილეობა", - თქვა ხარიშინმა.
