„ვაპირებ აქტიურად ჩავება დეზინფორმაციასთან ბრძოლის კამპანიაში, ვამხილო დესტრუქციული ძალები და საზოგადოებამდე სიმართლე მივიტანო“ – ზურა ხაჩიძე
მომღერალი ზურა ხაჩიძე სოციალურ ქსელში პოსტს ავრცელებს და წერს, რომ „აპირებს აქტიურად ჩაერიოს დეზინფორმაციასთან ბრძოლის კამპანიაში, ამხილოს დესტრუქციული ძალები და საზოგადოებამდე სიმართლე მიიტანოს“.
„მეგობრებო ყველასთვის ცნობილია, რომ 2024 წლის არჩევნები ერთგვარი წყალგამყოფია ჩვენი ქვეყნისთვის, სწორედ მომავალ არჩევნებზე წყდება საქართველოს ბედი, არჩევნები პასუხს გასცემს მთავარ კითხვას ვიქნებით ძლიერი, განვითარებული დამოუკიდებელი სახელმწიფო თუ გავიზიარებთ უკრაინის ბედს და მოხდება საქართველოს უკრაინიზაცია, რაც მეორე ფრონტს, ნგრევას და უკუსვლას ნიშნავს. მომავალი არჩევნების მნიშვნელობის გათვალისწინებით, ვაპირებ აქტიურად ჩავება დეზინფორმაციასთან ბრძოლის კამპანიაში, ვამხილო დესტრუქციული ძალები და საზოგადოებამდე სიმართლე მივიტანო“, – წერს ზურა ხაჩიძე.
