„ქართული ოცნების“ ორგანიზებით, ცაგერში დღეს კონცერტი გაიმართება
„ქართული ოცნების“ ორგანიზებით, ქვეყნის მასშტაბით კონცერტები დაიგეგმა. დღეს კონცერტი ცაგერში გაიმართება.
პირველ მუსიკალურ ღონისძიებას წუხელ ლენტეხმა უმასპინძლა. მუნიციპალიტეტის ცენტრში გამართულ სცენაზე ცნობილი ქართველი მომღერლები და შემსრულებლები გამოვიდნენ და ყველასთვის ნაცნობი და საყვარელი რეპერტუარი შეასრულეს.
ღონისძიების წამყვანი თამუნა გომართელი იყო. მომღერლებმა, გარდა ცნობილი სიმღერებისა, შეკრებილ სტუმრებს გზავნილებითაც მიმართეს.
მომდევნო დღეებში მსგავსი ღონისძიებები ქვეყნის ყველა რეგიონში გაიმართება.
