აშშ-მა უკრაინაში რუსეთის ომის მხარდაჭერისთვის 400 ფიზიკურ და იურიდიულ პირს სანქციები დაუწესა
აშშ-ის სახაზინო დეპარტამენტმა რუსეთის წინააღმდეგ სანქციები გააფართოვა. ახალ სასანქციო სიაში თითქმის 400 ფიზიკური და იურიდიული პირი და ორგანიზაცია მოხვდა.
ვაშინგტონში ახალი შეზღუდვების სამიზნედ რუსეთის სამხედრო-სამრეწველო კომპლექსის მიწოდების ჯაჭვები და ფინანსური არხები დაასახელეს.
კერძოდ, სიაში 16 ქვეყნიდან 100-ზე მეტი ფიზიკური პირი და კომპანია მოხვდა, რომლებსაც აშშ სანქციების გვერდის ავლაში დახმარებაში ადანაშაულებს. მათ შორის არიან ჩინეთის, შვეიცარიის, თურქეთისა და არაბთა გაერთიანებული საამიროების წარმომადგენლები.
