სიცილიაში ძვირადღირებული იახტის ჩაძირვის შემდეგ მყვინთავებმა ბრიტანელი მილიარდერის დაკარგული ქალიშვილის ცხედარი იპოვეს

იტალიის სანაპირო დაცვის ცნობით, მყვინთავებმა სიცილიაში ძვირადღირებული იახტის ჩაძირვის შემდეგ დაწყებული სამაშველო-სამძებრო სამუშაოების ფარგლებში, მე-6 ცხედარი იპოვეს, რომელიც სავარაუდოდ ბრიტანელი ბიზნესმენისა და მილიარდერის, მაიკ ლინჩის დაკარგული ქალიშვილია. სიცილიის სანაპიროსთან იახტის ჩაძირვის შედეგად ბრიტანელი მეცნიერისა და ანტრეპრენერის, 59 წლის მაიკ ლინჩის გარდაცვალებას უცხოური მედია ანონიმურ წყაროზე დაყრდნობით ადასტურებს

ჰანა და მაიკ ლინჩები  იმ 22 მგზავრს შორის იყვნენ, რომლებიც სუპერიახტა Bayesian-ით პალერმოს პროვინციაში, პორტიჩელოს სანაპიროს გასწვრივ მოგზაურობდნენ, სადაც იახტამ ორშაბათს, 19 აგვისტოს კატასტროფა განიცადა და ჩაიძირა.

მაიკ ლინჩის სახელს უკავშირდება პროგრამული უზრუნველყოფის კომპანია Autonomy-ის (შემდგომში HP-ის) დაფუძნება. ამასთან, იგი იყო ვენჩურული კაპიტალის ფირმა Invoke Capital-ის დამფუძნებელი, რისი საშუალებითაც ლინჩი ევროპულ ტექნოლოგიურ სტარტაპებს აფინანსებდა. მისი მხარდაჭერით შეიქმნ კიბერუსაფრთხოების კომპანია Darktrace და იურიდიულ-ტექნოლოგიური კომპანია Luminance.