"ევოლუშენ ჯორჯიას" თანამშრომელთა გაფიცვა 44-ე დღეა გრძელდება
"ევოლუშენ ჯორჯიას" თანამშრომელთა გაფიცვა 44-ე დღეა გრძელდება. გაფიცული თანამშრომლები მასშტაბური აქციისთვის ემზადებიან და დღეს "ევოლუშენ ჯორჯიას" შენობას სიმბოლურ სოლიდარობის ჯაჭვს შემოავლებენ.
დასაქმებულები კომპანიისგან ღირსეულ სამუშაო პირობებს, ანაზღაურების მატებას და მათ მიმართ ღირსების შემლახავი მოპყრობის აღმოფხვრას ითხოვენ. გაფიცულთა ნაწილი მე-12 დღეა შიმშილობს, მათგან ერთს პროტესტის ნიშნად პირი აქვს ამოკერილი.
