პოლონეთის პრეზიდენტი კიევში ჩავიდა
პოლონეთის პრეზიდენტი ანდჟეი დუდა სამუშაო ვიზიტით უკრაინაში ჩავიდა. ინფორმაციას პოლონეთის პრეზიდენტის კანცელარია სოციალურ ქსელ X-ში ავრცელებს.
ინფორმაციის თანახმად, დუდა უკრაინის დამოუკიდებლობის დღისადმი მიძღვნილ ღონისძიებებში მიიღებს მონაწილეობას. დაგეგმილია დუდას შეხვედრა უკრაინის პრეზიდენტთან ვოლოდიმირ ზელენსკისთან.
ეს წელს დუდას პირველი ვიზიტია უკრაინაში. აღსანიშნავია, რომ ვიზიტი წინასწარ დაანონსებული არ იყო.
