დუროვი დაიჭირეს, რომ გამოართვან გასაღები, რომელსაც აუცილებლად მისცემს - მარგარიტა სიმონიანი
რა არის მთავარი დუროვის ისტორიაში? ისინი, ვინც მიეჩვია Telegram-ში მგრძნობიარე საუბრებს/მიმოწერას, ახლავე უნდა წაშალონ მიმოწერა და მეორედ ასე აღარ მოიქცნენ. ის (დუროვი) დაიჭირეს, რომ გამოართვან გასაღები, რომელსაც აუცილებლად მისცემს - ამის შესახებ კრემლის პროპაგანდისტი, RT-ს მთავარი რედაქტორი მარგარიტა სიმონიანი Telegram-ში წერს.
შეგახსენებთ, რომ "ტელეგრამის" შემქმნელი, მილიარდერი პაველ დუროვი პარიზის აეროპორტში დააკავეს. არსებული ინფორმაციით, ფრანგული მხარე დუროვს, როგორც კონკრეტული სოცქსელის შემქმნელს, ნარკოტიკებით ვაჭრობას, ბავშვების წინააღმდეგ სავარაუდო დანაშაულებებსა და თაღლითობას ედავება.
