საქართველოს მართლმადიდებელი ეკლესია ახალმოწამეთა ხსენების დღეს აღნიშნავს
საქართველოს მართლმადიდებელი ეკლესია ახალმოწამეთა ხსენების დღეს აღნიშნავს.
ქუთათელ-გაენათელი მღვდელმოწამე ნაზარის სახელზე, ტაძარი სამტრედიის მუნიციპალიტეტის დაბა კულაშში 2011 წელს იკურთხა, რომელიც კახა კალაძის თაოსნობით აიგო.
1924 წელს ბოლშევიკებმა ქუთათელ-გაენათელი მიტროპოლიტი ნაზარი, სამღვდელო კრებულთან ერთად, საფიჩხიის ტყეში წინასწარ გათხრილ საფლავებთან დახვრიტეს. საბჭოთა ხელისუფლება მათ ბრალს ქრისტიანული სარწმუნოების აღმსარებლობასა და მამულიშვილობაში სდებდა.
1995 წელს საქართველოს ეკლესიის სინოდმა, მიტროპოლიტი ნაზარი და მასთან ერთად აღსრულებული სასულიერო პირები, წმინდანებად შერაცხა.
