მადლობა ოლიმპიელებს! - დედაქალაქის ქუჩებში ბანერები გამოჩნდა
მადლობა ოლიმპიელებს! ამ წარწერითა და ოლიმპიელების ფოტოებით, დედაქალაქის ქუჩებში ბანერები გამოჩნდა.
საქართველომ წელს ოლიმპიურ თამაშებზე ისტორიაში საუკეთესო შედეგი აჩვენა. 3 ოქრო, 3 ვერცხლი და 1 ბრინჯაოს მედალი - ამ სტატისტიკით ჩვენი ქვეყანა 204 ქვეყანას შორის 24-ე ადგილზე გავიდა.
პრემიერ-მინისტრისა და პარლამენტის თავმჯდომარის გადაწყვეტილებით, ნინო სალუქვაძე და ლაშა შავდათუაშვილი წმინდა გიორგის სახელობის გამარჯვების ორდენზე, გურამ თუშიშვილი, ლაშა მარგველაშვილი, ასევე მწვრთნელები, ღირსების ორდენზე არიან წარდგენილნი. გარდა ამისა, ოლიმპიელები, რომლებმაც მედლები მოიპოვეს, დაპირებულ პრემიებს მიიღებენ.
