Lego ნავთობისგან დამზადებულ პლასტიკზე უარს იტყვის
კომპანია Lego გეგმავს, რომ 2026 წლისთვის თავისი სათამაშოებისთვის პლასტმასის კომპონენტებს განახლებადი და გადამუშავებული მასალებისგან მიიღებს და ნავთობზე დამზადებული ნედლეულზე უარს იტყვის.
The Guardian-ი წერს, რომ Lego-ს მიზანი წიაღისეული რესურსების სრული ჩანაცვლებაა, რადგან კომპანიას უნდა მისი სათამაშოები უფრო ეკოლოგიური გახდეს. ამის გამო Lego უფრო ძვირადღირებულ განახლებად მასალაზე გადადის.
ამ პროექტის რეალიზაციისთვის, Lego ასეთი ნედლეულის მწარმოებლებთან ხანგრძლივი კონტრაქტების გაფორმებას აპირებს. ცნობილია, რომ კომპანიაში უკვე 600-ზე მეტი ალტერნატიული მასალა შეამოწმეს.
