სომხეთის ატომურმა ელექტროსადგურმა ავარიული გათიშვის შემდეგ მუშაობა განაახლა
სომხეთის ატომურმა ელექტროსადგურმა, რომელიც მეხის დაცემის გამო ავარიულად გაითიშა, მუშაობა განაახლა. ინფორმაციას სომხეთის ტერიტორიული მართვის და ინფრასტრუქტურის სამინისტრო ავრცელებს.
„14:05 საათიდან სომხეთის ატომური ელექტროსადგური ენერგოსისტემას დაუკავშირდა. უახლოეს საათებში ატომური ელექტროსადგური სრული დატვირთვით იმუშავებს“, - ნათქვამია ინფორმაციაში.
სომხეთის ატომური ელექტროსადგური ავარიულად მეხის დაცემის გამო წუხელ გაითიშა.
