იტალიის პოლიციამ საქართველოს მოქალაქე დააკავა, რომელიც ქურდობისთვის იძებნებოდა
იტალიური მედიის ინფორმაციით, იტალიის ქალაქ უდინეში საქართველოს მოქალაქე დააკავეს.
როგორც ცნობილია, დაკავებულს პარფიუმერიის მაღაზიის ქურდობისთვის 2 წლის განმავლობაში ეძებდნენ.
ადგილობრივი მედიის ცნობით, მოქალაქე პარფიუმერული მაღაზიის დაცვამ შემთხვევით ამოიცნო.
ამავე მაღაზიიდან დაკავებულს 700 ევროს ღირებულების პარფიუმერული კოსმეტიკა ჰქონდა მოპარული.
