ცხინვალის დე ფაქტო რეჟიმმა ქართულ მხარეს საოკუპაციო ხაზთან დაკავებული მოქალაქე გადასცა
ცხინვალის დე ფაქტო რეჟიმმა ქართულ მხარეს საოკუპაციო ხაზთან დაკავებული საქართველოს მოქალაქე, ანი ბაძაღუა გადასცა. ამის შესახებ სააგენტო „რესი“ იუწყება.
საქართველოს მოქალაქე ე.წ. სამართალდამცველი ორგანოების წარმომადგენლებმა ახალგორის რაიონის სოფელ ამძარინთან დააკავეს. დე ფაქტო სასაზღვრო უწყების ინფორმაციით, დაკავებულს ჯანმრთელობის პრობლემები აქვს და ის ქართულ მხარეს ჯარიმის გადახდის გარეშე გადაეცა.
საქართველოს უსაფრთხოების სამსახურის ცნობით, ცხინვალის ციხეებში ჯერ კიდევ რჩებიან საოკუპაციო ხაზთან უკანონოდ დაკავებული საქართველოს მოქალაქეები.
