ნინო ლოლაძე ევროპის ახალგაზრდული ჩემპიონატის ფინალშია
ესტონეთის დედაქალაქ ტალინში დღეს დაიწყო ევროპის ახალგაზრდული ჩემპიონატი ძიუდოში.
საქართველოს ნაკრებიდან პირველ საშეჯიბრო დღეს ოთხი ქართველი გამოვიდა, რომელთაგანაც ნინო ლოლაძე (57 კგ) ფინალში იჭიდავებს.
19 წლის ქართველმა ნახევარფინალში ფრანგ ალია დე კარვალიოს მოუგო და გადამწყვეტ შეხვედრაში აზერბაიჯანელ ფიდან ალიზადას დაუპირისპირდება.
კონტინენტის პირველობაზე ბრინჯაოს მედლის მოპოვების შანსი ჰქონდა თორნიკე მოსიაშვილს (66 კგ), მაგრამ იგი რეპეშაჟში დამარცხდა.
