CNN-ის გამოკითხვის მიხედვით, დონალდ ტრამპსა და კამალა ჰარისს შორის დებატებში, "დემოკრატებმა“ გაიმარჯვეს
CNN-ის გამოკითხვის მიხედვით, აშშ-ის საპრეზიდენტო კანდიდატებს დონალდ ტრამპსა და კამალა ჰარისს შორის სატელევიზიო დებატებში, დემოკრატიულმა პარტიამ გაიმარჯვა. ასე ფიქრობს გამოკითხულთა 63%. ამის შესახებ CNN-ი იტყობინება.
ამასთან, ამერიკელთა 37%-ს მიაჩნია, რომ ჰარისის ოპონენტმა, დონალდ ტრამპმა გაიმარჯვა.
შესაბამისი გამოკითხვის შედეგები არხის პირდაპირ ეთერში გამოცხადდა.
დარეგისტრირებული ამომრჩევლები, რომლებიც უყურებდნენ დებატებს ჰარისსა და ტრამპს შორის 10 სექტემბერს, ამბობენ, რომ ვიცე-პრეზიდენტმა უკეთ გაართვა თავი დებატებს, ვიდრე ტრამპმა.
CNN-ის გამოკითხვა ჩატარდა ტექსტური შეტყობინებების საშუალებით 605 დარეგისტრირებულ ამერიკელ ამომრჩეველთან, რომლებმაც განაცხადეს, რომ უყურებდნენ დებატებს და გამოკითხვის შედეგები ასახავს მხოლოდ დებატების დამკვირვებლების შეხედულებებს.
