რუსეთის თავდასხმის შედეგად დონეცკის ოლქში ორგანიზაცია „წითელი ჯვრის“ სამი თანამშრომელი დაიღუპა
რუსეთის მიერ დონეცკის ოლქის ერთ-ერთი სოფლის საარტილერიო დაბომბვის შედეგად წითელი ჯვრის საერთაშორისო კომიტეტის სამი თანამშრომელი დაიღუპა და ორი დაშავდა.
ერთ-ერთი ჭურვი ადგილობრივი საწარმოს ტერიტორიაზე მოხვდა. თავდასხმის დროს განადგურდა ჰუმანიტარული დახმარების სატვირთო მანქანა და მსუბუქი ავტომობილი.
სიტუაციის კომენტირებისას ომბუდსმენმა, დიმიტრი ლუბინეცმა აღნიშნა, რომ დაღუპულები და დაჭრილები ICRC-ის თანამშრომლები იყვნენ, რომლებიც დაბომბვის დროს სატვირთო მანქანაში იმყოფებოდნენ.
