გაუაზრებლად უკეთესის ძიებაში გარანტირებულად მივიღებთ უარესს - ღარიბაშვილი
მინდა მივმართო მათ, ვინც ჯერ კიდევ მხარს უჭერს სააკაშვილს და კოლექტიურ ნაცმოძრაობას, მის მოკავშირე სატელიტურ პარტიებს და კოალიციებს: ევროინტეგრაციის ნაცვლად თქვენ მიიღებთ ისევ სისხლიან დიქტატურას, მშვიდობის ნაცვლად მიიღებთ ომს, ხოლო ახალგაზრდებს ევროპის ნაცვლად ომში წაიყვანენ, თვითონ კი ევროპაში გაიქცევიან, როგორც ეს წინა ომის დროს გააკეთეს.
კიდევ ერთხელ გავიმეორებ, გაუაზრებლად უკეთესის ძიებაში გარანტირებულად მივიღებთ უარესს და შემდეგ გვიანი იქნება სინანული.
ამბობს ქართული ოცნების თავმჯდომარე ირაკლი ღარიბაშვილი გორში გამართულ წინასაარჩევნო ღონისძიებაზე.
