საქართველომ სამხრეთ ოსეთი უნდა აღიაროს და მას წართმეული ტერიტორია დაუბრუნოს - ედუარდ კოკოითი
ცხინვალის ყოფილმა დე ფაქტო ლიდერმა ედუარდ კოკოითიმ განაცხადა, რომ საქართველომ სამხრეთ ოსეთი უნდა აღიაროს, მასთან ყველა აუცილებელი საერთაშორისო ხელშეკრულება გააფორმოს, რაც მშვიდობის გარანტია იქნება და დაუბრუნოს თრუსოს ხეობა და „სხვა წართმეული ტერიტორიები“. კოკოითი აცხადებს, რომ საქართველოს „ისტორიული ოსური მიწები აქვს ოკუპირებული“.
"1920 წლიდან საქართველომ სამხრეთ ოსეთს 10 მლრდ. აშშ დოლარის ზარალი მიაყენა. მაგრამ ვინ დაგვიბრუნებს ათობით ათას დაღუპულ დას და ძმას? ამას ჩვენ არასოდეს დავივიწყებთ და მათ არასოდეს ვაპატიებთ“, - განაცხადა ედუარდ კოკოითიმ.
კოკოითი ამბობს, რომ „საქართველოსთან მშვიდობა მხოლოდ რუსეთის პირობებით უნდა მოხდეს“, ხოლო აფხაზეთი და ოსეთი „სამხრეთ კავკასიაში რუსეთის საიმედო დასაყრდენი უნდა გახდეს“.
