რუსეთის წინააღმდეგ ომში კიდევ ერთი ქართველი მებრძოლი დაიღუპა
კურსკის ოლქში ქართველი მებრძოლი, გიორგი როინიშვილი დაიღუპა. ის მტერთან უშუალო შეტაკებებს ემსხვერპლა. როინიშვილი "ქართველი მეომრები-სპეცდანაყოფი თბილისის" მეთაურის მოადგილე იყო.
საბრძოლო მოქმედებების დროს დაიღუპა ორი უკრაინელი მებრძოლი, სამი ქართველი კი დაიჭრა. ისინი უკვე ჰოსპიტალში არიან გადაყვანილი და მათ სიცოცხლეს საფრთხე არ ემუქრება.
