Amazon-მა თანამშრომლებს ოფისში სიარული დაავალდებულა
კომპანია Amazon-ი თავის ჰიბრიდულ სამუშაო პოლიტიკას წყვეტს და თანამშრომლებს კვირაში 5 დღის განმავლობაში ოფისში სიარულს ავალდებულებს.
BBC-ს ცნობით, ცვლილება ძალაში იანვრიდან შევა, კომპანიის აღმასრულებელმა დირექტორმა ენდი ჯესიმ თანამშრომლებს შესაბამისი შეტყობინებები უკვე გაუგზავნა.
„გადავწყვიტეთ ოფისში დაბრუნება, ისე როგორც ეს კოვიდამდე იყო. ეს თანამშრომლებს უკეთესი კომუნიკაციის დამყარებაში დაეხმარება“, - მიიჩნევს ჯესი. ის დიდი ხანია ცნობილია დისტანციური მუშაობისადმი სკეპტიკური დამოკიდებულებით, თუმცა აქამდე Amazon-ის თანამშრომლებს კვირაში 2 დღის განმავლობაში სახლიდან მუშაობის უფლება ჰქონდათ.
Amazon-ს მსოფლიოს სხვადასხვა ქვეყანაში 1,5 მილიონზე მეტი ადამიანი ჰყავს დასაქმებული.
