გიორგი გახარიამ და მამუკა ხაზარაძემ პრეზიდენტის სასახლე დატოვეს, თუმცა დაბრუნებას გეგმავენ
„საქართველოსთვის“ ლიდერის გიორგი გახარიასა და „ძლიერი საქართველოსთვის“ ლიდერის მამუკა ხაზარაძეს შორის შეხვედრა დასრულდა, რომელიც ორბელიანების სასახლეში დახურულ კარს მიღმა მიმდინარეობდა. პოლიტიკოსებმა საქართველოს პრეზიდენტის სასახლე რამდენიმე წუთის წინ დატოვეს.
საუბარი მიდის კონსტრუქციულად, ერთ საათში დავბრუნდებით - განაცხადა ჟურნალისტებთან მამუკა ხაზარაძემ.
გიორგი გახარიას კომენტარი არ გაუკეთებია.
შეგახსენებთ, დაახლოებით ორი საათის წინ პრეზიდენტის ადმინისტრაციაში კოალიცია „ძლიერი საქართველოს“ ლიდერ მამუკა ხაზარაძესა და პარტია „საქართველოსთვის“ თავმჯდომარეს, გიორგი გახარიას შორის მორიგი შეხვედრა გაიმართა.
