კესარია აბრამიძე დაკრძალეს
37 წლის ტრანსგენდერი ქალი, კესარია აბრამიძე, დღეს თბილისში, ვაკის სასაფლაოზე დაკრძალეს. მის სამოქალაქო პანაშვიდს ოჯახის წევრებთან და ახლობლებთან ერთად საქართველოს პრეზიდენტი, სალომე ზურაბიშვილიც დაესწრო.
შინაგან საქმეთა სამინისტრომ კესარია აბრამიძის მკვლელობაზე გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით დაიწყო. ეს გენდერის ნიშნით განსაკუთრებული სისასტიკით დამამძიმებელ გარემოებაში ჩადენილ განზრახ მკვლელობას გულისხმობს.
