ხათუნა ლაგაზიძის განცხადებით, მისი ორგანიზაცია კანონთან სრულ შესაბამისობაშია
„აირჩიე ევროპის“ ერთ-ერთმა დამფუძნებელმა, ხათუნა ლაგაზიძემ ბრიფინგზე განაცხადა, რომ მისი ორგანიზაცია კანონთან სრულ შესაბამისობაშია. მისი თქმით, ანტიკორუფციული ბიურო და სასამართლო ხელისუფლების ხელში რეპრესიული იარაღია.
ლაგაზიძე აღნიშნავს, რომ ბიურომ მათი ფინანსური ანგარიშები 6 სექტემბერს გამოითხოვა და ეს დოკუმენტაცია უკანონოდ ბიუროს ხელშია.
„კანონდარღვევით, კონსტიტუციის დარღვევით „ბანკების შესახებ კანონის” დარღვევით უკვე აქვს ეს ინფორმაცია „კორუფციულ ბიუროს“. შემდეგ, აქეთ გვამუნათებს, რომ 5 დღეში თუ არ მომაწვდით ამ ინფორმაციას, ახალი გადაწყვეტილების მიღება მომიწევსო. როგორც სასამართლო, ასევე „კორუფციული ბიურო“ არის პოლიტიკური ტერორისა და რეპრესიების იარაღი საქართველოს ხელისუფლების ხელში“,- განაცხადა ხათუნა ლაგაზიძემ.
ანტიკორუფციული ბიუროს გადაწყვეტილებით, ეკა გიგაურისა და ხათუნა ლაგაზიძის ორგანიზაციები „გაცხადებული საარჩევნო მიზნის მქონე სუბიექტები“ არიან და მათზე „მოქალაქეთა პოლიტიკური გაერთიანებების შესახებ“ კანონი გავრცელდება
