ტაილანდში სასკოლო ავტობუსი დაიწვა - არიან დაღუპულები, დაშავებულები და დაკარგულები
ტაილანდში, ბანგკოკის გარეუბანში სკოლის ავტობუსი დაიწვა. უგზო-უკვლოდ დაკარგულად ითვლება 22 მოსწავლე და 3 მასწავლებელი.
მედია წერს, რომ დაღუპულია 20-ზე მეტი ბავშვი, თუმცა ამ ეტაპზე ზუსტი მონაცემები უცნობია. დაშავებულია 16 მოსწავლე და 3 მასწავლებელი, რომლებიც საავადმყოფოში გადაიყვანეს.
არსებული ინფორმაციით, სკოლის მოსწავლეები ექსკურსიაზე იმყოფებოდნენ და ქალაქში ბრუნდებოდნენ. ხანძრის გამომწვევი მიზეზი უცნობია და მიმდინარეობს გამოძიება.
