საოკუპაციო ხაზთან დაკავებულ საქართველოს ორ მოქალაქეს 5-წლიანი პატიმრობა ემუქრება
რუსულ ტყვეობაში ჩავარდნილ საქართველოოს ორ მოქალაქეს ხუთწლიანი პატიმრობა ემუქრებათ. სერგო მერაბაშვილსა და იასონ გენგიურს ცხინვალის საოკუპაციო რეჟიმი ეგრედწოდებული საზღვრის აღმნიშვნელი ბანერის დაზიანების მცდელობას ედავება.
სოფელ პატარა მეჯვრისხევში მაცხოვრებელი ორი მამაკაცი 16 სექტემბერს დააკავეს, ახლა მათ ორ თვიანი პატიმრობა აქვთ მისჯილი, თუმცა ეგრედწოდებული უსაფრთხოების სამსახურის მიერ გავრცელებულ განცხადებაში ვკითხულობთ, რომ ქართველ ტყვეებს რუსული კანონებით უპირებენ გასამართლებას.
