ისრაელი სიონისტური ტერორისტული ორგანიზაციაა - ერდოღანი
თურქეთის პრეზიდენტმა რეჯეფ თაიფ ერდოღანმა განაცხადა, რომ ისრაელი, რომელიც ღაზასა და ლიბანის დაბომბვას აგრძელებს, "სიონისტური ტერორისტული ორგანიზაციაა“.
"ისტორია არასოდეს აპატიებს მათ, ვინც ტაშს უკრავს ათიათასობით პალესტინელი ბავშვის, ქალისა და მშვიდობიანი მოსახლეობის სისხლზე პასუხისმგებელ ურჩხულს“, - განაცხადა ერდოღანმა მმართველი პარტიის "სამართლიანობისა და განვითარების“ (AK) შეხვედრაზე ანკარაში.
თურქეთის პრეზიდენტმა გააფრთხილა ისრაელი, რომ მისი "დაპირებული მიწის ილუზია“ საბოლოოდ დიდ იმედგაცრუებას გამოიწვევს.
მან ასევე მოუწოდა რეგიონული დიალოგის გაძლიერებას და აღნიშნა: "ჩვენს რეგიონში არსებული ატმოსფეროს გათვალისწინებით, გვჯერა, რომ მეტი საუბარი გვჭირდება, შერიგება გვჭირდება“.
