ჩეხეთმა ალბანეთს მოუგო და ჯგუფში მეორე ადგილი დაიკავა
ერთა ლიგის B1 ჯგუფში, რომელშიც საქართველოს ნაკრები ასპარეზობს, ჩეხეთმა საკუთარ მოედანზე ალბანეთი 2:0 დაამარცხა.
ორივე გოლი „სლავიას“ თავდამსხმელმა ტომაშ ხორიმ გაიტანა.
B1 ჯგუფში 6-6 ქულა საქართველოს და ჩეხეთს აქვთ, 3-3 კი ალბანეთს და უკრაინას.
14 ოქტომბერს ჩეხეთი ვროცლავში უკრაინას, ალბანეთი კი თბილისში საქართველოს დაუპირისპირდება.
