ხვიჩა კვარაცხელია მიმართვას ავრცელებს
საქართველოს ეროვნული ნაკრებისა და „ნაპოლის“ შემტევი, ხვიჩა კვარაცხელია გულშემატკივრებს მიმართავს:
„მინდა, მადლობა ვუთხრა პოლონეთში ჩამოსულ და სტადიონზე მოსულ თითოეულ გულშემატკივარს, ძალიან დიდ მუხტს და მოტივაციას გვაძლევთ, ასევე, მადლობა ეკრანებთან მყოფ ყველა ქომაგს. წინ ალბანეთთან მატჩია და ერთად ვაგრძელებთ საერთო მიზნისკენ სვლას,“ - წერს კვარაცხელია.
ცნობისთვის, ნაკრები 14 ოქტომბერს ალბანეთის ნაკრებს დაუპირისპირდება. შეხვედრა მიხეილ მესხის სახელობის სტადიონზე 20:00 საათზე გაიმართება.
