არანაირი შეტყობინება არაა დაგზავნილი, მოქალაქეებს მოვუწოდებთ არ შევიდნენ შეცდომაში - შსს
შინაგან საქმეთა სამინისტროს განცხადებით, უწყებას არაფერი აკავშირებს შეტყობინებებთან, რომელიც მოქალაქეებმა ბოლო პერიოდში მათი სახელით მიიღეს.
"შინაგან საქმეთა სამინისტროს ოფიციალურ გვერდზე არაერთი შეტყობინება შემოვიდა, სადაც მოქალაქეები მიუთითებენ, რომ უწყების სახელით გაურკვეველი შინაარსის შეტყობინება მიიღეს.
მოქალაქეების ინფორმირების მიზნით გვსურს განვმარტოთ, რომ არანაირი შეტყობინება არ არის დაგზავნილი შინაგან საქმეთა სამინისტროს მხრიდან და მოქალაქეებს მოვუწოდებთ არ შევიდნენ შეცდომაში.
ასევე, განვმარტავთ, რომ აღნიშნული ფაქტი შესწავლილი იქნება შინაგან საქმეთა სამინისტროს შესაბამისი სამსახურის მიერ." - აღნიშნულია შსს-ს განცხადებაში.
