„ბენფიკას“ პორტუგალიის ჩემპიონატიდან გარიცხვით ემუქრებიან
პორტუგალიური გრანდი „ბენფიკა“ კორუპციაში დაადანაშაულეს.
ავტორიტეტული გამოცემა O Jogo-ს ინფორმაციით, პორტუგალიის პროკურატურამ ოფიციალური ბრალდება წამოაყენა დოკუმენტების ფალსიფიკაციასთან, საგადასახადო თაღლითობასთან და მატჩების შედეგების მანიპულირებასთან დაკავშირებით.
დანაშაულებები 2016-19 წლებში ხდებოდა, როცა კლუბის პრეზიდენტის პოსტი ლუიშ ფილიპე ვიეირას ეკავა.
ახლა, პორტუგალიის ფეხბურთის ფედერაცია ითხოვს „ბენფიკას“ ჩამოშორებას ყველა ტურნირიდან 6-დან 36 თვემდე ვადით.
„ბენფიკა“ უკვე გამოვიდა განცხადებით, რომელშიც უარყო ყველა ბრალდება და სასამართლოში აპირებს თავის დაცვას.
