სუმის ოლქზე იერიშს მსხვერპლი მოჰყვა - დაღუპულთა შორის ბავშვია
რუსმა ოკუპანტებმა 22 ოქტომბრის ღამეს, „შაჰედის“ დრონებით სუმის ოლქზე მიიტანეს იერიში. შედეგად, დაიღუპა სამი ადამიანი - ორი ზრდასრული და ერთი ბავშვი. ამის შესახებ ინფორმაციას სუმის ოლქის სახელმწიფო ადმინისტრაციის პრესსამსახური ავრცელებს.
არსებული ცნობით, სუმის თავზე 25 უპილოტო საფრენი აპარატი ჩამოაგდეს, ნამსხვრევები კი სახლს მოხვდა.
ამას გარდა, უკრაინული მხარის განცხადებით, რუსეთის არმიამ 22 ოქტომბრის დილის საათებში კიდევ ერთი იერიში მიიტანა მრავალსართულიან სახლზე და კრიტიკული ინფრასტრუქტურის ობიექტებზე.
ამ ეტაპზე უცნობია, რა ზიანი მიადგა ქალაქს დილით განხორციელებული იერიშის შედეგად.
სუმში ამ დრომდე საჰაერო განგაშის სიგნალები ისმის.
