BRICS-ის სამიტმა აჩვენა, რომ რუსეთის იზოლაციის გეგმა ჩავარდა - ვიაჩესლავ ვოლოდინი
რუსეთის დუმის სახელმწიფო სათათბიროს თავმჯდომარის, ვიაჩესლავ ვოლოდინის განცხადებით, რუსეთი მიზიდულობის ადგილად იქცა და BRICS-ის სამიტმა აჩვენა, რომ მოსკოვის იზოლაციის გეგმა ჩავარდა.
"ყაზანში BRICS-ის სამიტმა აჩვენა, რომ ვაშინგტონისა და ბრიუსელის გეგმა, იზოლაციაში მოექციათ რუსეთი, ჩავარდა. 36 ქვეყნის წარმომადგენელი ჩავიდა ყაზანში, რათა მონაწილეობა მიეღოთ BRICS-ის სამიტზე. რუსეთი ნამდვილად იქცა მიზიდულობის ადგილად“, - აცხადებს ვოლოდინი.
მან აღნიშნა, რომ სამიტზე მნიშვნელოვანი გადაწყვეტილებები მიიღება.
"სამიტის მაღალ დონეს ადასტურებს გაეროს გენერალური მდივნის ანტონიო გუტერეშის მონაწილეობა, რომელსაც გადამწყვეტი როლი აქვს მშვიდობისა და უსაფრთხოების შენარჩუნებაში“, - აღნიშნა ვოლოდინმა.
ვოლოდინმა ასევე აღნიშნა, რომ BRICS-ის ქვეყნების ეკონომიკა დაჩქარებული ტემპით ვითარდება და სტაბილურობის დემონსტრირებას ახდენს.
