რამდენად შეესაბამება ზურაბიშვილი, როგორც პრეზიდენტი, ქართველი ხალხის განწყობებს? - რას წერს პუშკოვი?

რუსეთის ფედერაციის საბჭოს საინფორმაციო პოლიტიკის კომისიის ხელმძღვანელი ალექსეი პუშკოვი საქართველოში ჩატარებული არჩევნების შედეგებით კმაყოფილია და  სალომე ზურაბიშვილის ლეგიტიმაციას ეჭვქვეშ აყენებს:

შესაძლოა, საქართველოში არეულობა მაინც იყოს, მაგრამ, როგორც ჩანს, საქართველოში ოპოზიციის მხარდაჭერით „რეჟიმის შეცვლასთან ერთად“, დასავლეთს, მარტივად რომ ვთქვათ, გაუგებრობა შეექმნა. გაიმარჯვა „ქართულმა ოცნებამ“, რომელმაც მიიღო ხმების 54%-ზე მეტი, ანუ აბსოლუტური უმრავლესობა.

დასავლეთის გეგმა იყო საქართველოს გადაქცევა თავის ნახევრად კოლონიად და ჰპირდებოდა, რომ სიხარულით შეუერთდებოდა ევროპული ერების მრავალგენდერულ ოჯახს. თუმცა, რატომღაც ამან ვერ მიიპყრო ქართველი ამომრჩევლის უმრავლესობა. ისევე, როგორც მათ არ იზიდავთ პრეზიდენტ ზურაბიშვილის დემაგოგია, რომელიც სულ უფრო და უფრო ემსგავსება სააკაშვილის წარსულის რელიქვიას. სხვათა შორის, სააკაშვილიც ოცნებობდა საქართველოში ახალ პროდასავლურ რევოლუციაზე - და სად არის ახლა?  - წერს პუშკოვი. 

პუშკოვი ეჭვქვეშ აყენებს სალომე ზურაბიშვილის ლეგიტიმაციასაც.  

ახლა კი, არჩევნების შემდეგ, რომელმაც ისევ მოუტანა „ქართულ ოცნებას“ გამარჯვება, ჩნდება კითხვა, რამდენად შეესაბამება თავად ზურაბიშვილი, როგორც პრეზიდენტი, ქართველი ხალხის განწყობებს, - წერს რუსი მაღალჩინოსანი.