გიორგი მიქაუტაძემ "ოსერის" კარში სადებიუტო გოლები გაიტანა
ლიგა 1-ის მეცხრე ტურში "ლიონი" საკუთარ მოედანზე "ოსერს" ხვდება, სადაც გიორგი მიქაუტაძემ თავი დუბლით გამოიჩინა. გოლები ქართველი ბომბარდირისთვის "ლიონის" მაისურით სადებიუტოა.
მიქაუტაძემ პირველი ტაიმის დასასრულს მის მიერვე მოპოვებული პენალტი ზუსტად შეასრულა, შესვენების შემდეგ კი, 62-ე წუთზე მეორე გოლიც გაიტანა.
