გიორგი მამარდაშვილი "ოქროს ბურთის“ დაჯილდოებას დაესწრება და წლის მეკარის ჯილდოს მოსაგებად იბრძოლებს
28 ოქტომბერს პარიზში ოქროს ბურთის 68-ე დაჯილდოება გაიმართება.
ღონისძიებას დაესწრება საქართველოს ნაკრებისა და „ვალენსიას“ მეკარე გიორგი მამარდაშვილი, რომელიც ლევ იაშინის ჯილდოს ნომინაციაზეა წარდგენილი.
მსოფლიოს საუკეთესო მეკარის წოდებისთვის იბრძვიან:
დიოგუ კოშტა (პორტუ)
ჯანლუიჯი დონარუმა (პსჟ)
გრეგორ კობელი (ბორუსია დორტმუნდი)
ანდრეი ლუნინი (მადრიდის რეალი)
მაიკ მენიო (მილანი)
გიორგი მამარდაშვილი (ვალენსია)
ემილიანო მარტინესი (ასტონ ვილა)
უნაი სიმონი (ატლეტიკ ბილბაო)
იან ზომერი (ინტერი)
რონვენ უილიამსი (მამელოდი სანდაუნსი)
ცნობისთვის, ლევ იაშინი ერთადერთი მეკარეა, რომელმაც ოქროს ბურთი მოიგო. სწორედ მის პატივსაცემად დაწესდა ოქროს ბურთის დაჯილდოებაზე სპეციალური ჯილდო, რომელიც წლის საუკეთესო მეკარეს გამოავლენს.
