"ამ მომენტს დიდი ხნის განმავლობაში ველოდი...“ - ხვიჩა კვარაცხელიას პირველი კომენტარი მილანთან გოლს შემდეგ

იტალიის სერია A-ს მე-10 ტურში, ხვიჩა კვარაცხელიას „ნაპოლი“ სტუმრად „მილანს“ დაუპირისპირდა და 2:0 დაამარცხა.

მატჩის საუკეთესო მოთამაშე ქართველი შემტევი გახდა, რომელმაც „როსონერის“ წინააღმდეგ სადებიუტო გოლი გაიტანა და ნეაპოლიტანელთა სასარგებლოდ ანგარიში 2:0 გახადა.

შეხვედრის დასრულების შემდეგ ხვიჩამ თავისი თამაში DAZN-თან შეაფასა.

"ჩემი პირველი გოლი სან სიროზე, „მილანის“ წინააღმდეგ? ამ მომენტს დიდი ხნის განმავლობაში ველოდი. ამისთვის ბევრი ვიმუშავე და ბედნიერი ვარ არა მხოლოდ საკუთარი თავის, არამედ გუნდის გამოც. მჯერა თუ არა ჩემპიონობის? რა თქმა უნდა, ძალიან კარგად მივდივართ და ასე უნდა გავაგრძელოთ. ამის ყველას გვჯერა და შრომა უნდა გავაგრძელოთ. როგორია ლუკაკუსთან თამაში? ძალიან მაგარია, ის საკმაოდ თავმდაბალი ადამიანია. ნეაპოლი? ქალაქი, რომელიც დიდი ვნებით ცხოვრობს“, - თქვა კვარაცხელიამ.