„გაიშარნენ ქოცები ამ არჩევნებზე და სრულიად სამართლიანადაც“ - იაგო ხვიჩია

ცივილიზებულ სამყაროში არავინ ატარებს საყოველთაო არჩევნებს საჯარო ხმის მიცემის წესით - „გირჩის“ ლიდერი, იაგო ხვიჩია ოპოზიციას ურჩევს აქცენტი არჩევნების ფარულობის დარღვევაზე გადაიტანონ, რადგან ეს უკვე თითქმის დადასტურებული ფაქტია.

არჩევნების ფარულობის დარღვევა არსებითი დარღვევაა, რომელიც დამტკიცების შემთხვევაში, ისევე იწვევს არჩევნების გაუქმებას, როგორც გაყალბება.

 ფოკუსი უნდა გადავიდეს ამაზე, რადგან ეს უკვე თითქმის დადასტურებული ფაქტია.

ჯერჯერობით ყველა სხვა არგუმენტს ქოცები  იგერიებენ,  მაგრამ  შეუძლებელია ახსნა იმისა, რომ არჩევნები სწორად ჩაატარე, მაშინ როცა დადასტურებულია, რომ ხმის მიცემის ფარულობა დარღვეული იყო ამომრჩეველთა 90% ის შემთხვევაში.

იმის დასადასტურებლად ბიულეტინის უკანა გვერდიდან  შეიძლებოდა თუ არა ამომრჩევლოს ნების იდენტიფიცირება, მოთხოვნილ უნდა იქნას ელექტრონული უბნების გახსნა და თუ არსებითად დადასტურდა დარღვევა (რაც როგორც ჩანს ასე იქნება) არჩევნების შედეგები უნდა გამოცხადდეს ძალადაკარგულად.

საერთაშორისო პარტნიორებთანაც ძირითადად  ამ არგუმენტით უნდა იყოს საუბარი, არჩევნების ცნობა-არ ცნობასთან მიმართებაში.

ცივილიზებულ სამყაროში არავინ ატარებს საყოველთაო არჩევნებს საჯარო ხმის მიცემის წესით.

საიას ეს საჩივარი სწორია და შეუძლებელია მასზე არ დათანხმება.

გაიშარნენ ქოცები ამ არჩევნებზე და სრულიად სამართლიანადაც - წერს იაგო ხვიჩია ფეისბუქში.