უკვე 50 კარვამდე გვაქვს შეგროვილი - ნიკა გვარამია
"ლოგისტიკური ამოცანა გვაქვს, უკვე 50 კარვამდე გვაქვს შეგროვილი", - ამის შესახებ "კოალიცია ცვლილებებისთვის“ ერთ-ერთმა ლიდერმა ნიკა გვარამიამ განაცხადა და განმარტა, რომ კამპანია „კარვები საქართველოსთვის“ მთლიანად ოპოზიციისთვის მისაღები გადაწყვეტილებაა.
ნიკა გვარამიამ კიდევ ერთხელ მოუწოდა ყველას კარვების შეგროვებაში დახმარებისკენ და აღნიშნა, რომ ამ დროისთვის უკვე 50 კარავია შეგროვებული.
„გამოცხადებული გვაქვს კამპანია „კარვები საქართველოსთვის“, ეს არის ჩვენი კოალიციის ლოგისტიკური კამპანია და არ ნიშნავს, რომ ქუჩაში კარვების გაშლასთან დაკავშირებით გადაწყვეტილებას ერთპიროვნულად მხოლოდ ჩვენ მივიღებთ. ოპოზიციისთვის ერთიანად მისაღები გადაწყვეტილებაა, ოპოზიციის, რომელიც მალე ხელისუფლება გახდება. ლოგისტიკური ამოცანა გვაქვს, უკვე 50 კარვამდე გვაქვს შეგროვილი. მინდა, მოვუწოდო ყველას, დაგვეხმარეთ, ეს იქნება ჩვენი სამშობლოს და ერთიანი მიზნის სამსახური“, – განაცხადა ნიკა გვარამიამ.
