როდესაც ხალხს ართმევენ არჩევნებს, ერთადერთ გზად ეროვნული წინააღმდეგობა რჩება - ფავლენიშვილი
„როდესაც ხალხს ართმევენ თავისუფლებას და ართმევენ ყველაზე მთავარ დემოკრატიულ ინსტიტუტს - არჩევნებს, ამ შემთხვევაში ერთადერთ გზად რჩება ეროვნული წინააღმდეგობა - ამის შესახებ ,,ერთიანობა ნაციონალური მოძრაობის” გენერალური მდივნის მოადგილემ, ირაკლი ფავლენიშვილმა ხვალინდელ აქციასთან დაკავშირებით განაცხადა. მისი თქმით, პროტესტი და მათ შორის ქუჩის აქციები უნდა იყოს იქამდე, ვიდრე შედეგი არ დადგება.
როდესაც ხალხს ართმევენ თავისუფლებას და ართმევენ ყველაზე მთავარ დემოკრატიულ ინსტიტუტს - არჩევნებს, ამ შემთხვევაში, ერთადერთ გზად რჩება ეროვნული წინააღმდეგობა და ეროვნული წინააღმდეგობა არის მათ შორის ქუჩის პროტესტიც და ეს პროტესტი უნდა იყოს იქამდე, სანამ ჩვენ არ დავიბრუნებთ მთავარ დემოკრატიულ ინსტიტუტს ქვეყანაში - არჩევნებს, რომელიც შემდგომში საფუძველს მოგვცემს იმისას, რომ დავიბრუნოთ პოლიტიკურო ცხოვრება, რადგან სანამ არჩევნები ყალბდება, პოლიტიკური ცხოვრებაც მკვდარია ამ ქვეყანაში, - განაცხადა ირაკლი ფავლენიშვილმა.
