ირანში, სტუდენტმა გოგონამ პროტესტის ნიშნად, უნივერსიტეტის ეზოში ტანსაცმელი გაიხადა

ირანში, თეირანის აზადის უნივერსიტეტის სტუდენტი გოგო პროტესტის ნიშნად უნივერსიტეტის ეზოში გაშიშვლდა. მან ტანისამოსი მას შემდეგ გაიხადა, რაც "მორალის პოლიციის" წევრებმა ჰიჯაბის არასწორ ტარებაში დაადანაშაულეს და მისი ტანსაცმელი დააზიანეს. ინფორმაციას euronews-ი ავრცელებს.

დაუზუსტებელი საინფორმაციო წყაროს ცნობით, ქალი სადაზვერვო აგენტებმა უცნობ ადგილას გადაიყვანეს.

უნივერსიტეტის საზოგადოებასთან ურთიერთობის დირექტორის, საიდ ამირ მაჰჯუბის თქმით, უსაფრთხოების თანამშრომლებმა სტუდენტი პოლიციას გადასცეს. მაჰჯუბმა ასევე დაამატა, რომ წინასწარი გამოძის მიხედვით, ქალს, სავარაუდოდ, ფსიქოლოგიური აშლილობა აქვს და ის მძიმე სტრესის ქვეშ იმყოფება.

უნივერსიტეტთან დაკავშირებული ადგილობრივი გაზეთი იტყობინება, რომ იგი ფსიქიატრიულ საავადმყოფოშია გადაყვანილი.