ბრიტანეთში 10 წლის გოგონა ძაღლმა დაგლიჯა
დიდ ბრიტანეთში, ჩრდილოეთ იორკშირში, ძაღლმა 10 წლის გოგონა დაგლიჯა, რის შედეგადაც ის გარდაიცვალა. ინფორმაციას BBC ავრცელებს.
პოლიციის ინფორმაციით, 10 წლის გოგონა ძაღლმა საკუთარ სახლში დაგლიჯა, მიღებული ტრავმების შედეგად ის ადგილზე გარდაიცვალა. ოჯახის წევრებმა ძაღლის ავტომობილში ჩაკეტვა შეძლეს, რის შემდეგაც ის სპეციალური სამსახურის თანამშრომლებმა დაიჭირეს.
ამ დროისათვის, ძაღლი თავშესაფარში იმყოფება და გამოძიების ფარგლებში გამოკვლევები უტარდება.
