სალომე ზურაბიშვილს მალე გასდის ვადა ყველა თვალსაზრისით, შესაბამისად, უნდა, სიამოვნება მიიღოს დარჩენილი ორი თვისგან, რომელიც აკავშირებს პრეზიდენტის თანამდებობასთან - პრემიერი
სალომე ზურაბიშვილს ძალიან მალე გასდის ვადა ყველა თვალსაზრისით. შესაბამისად, რაღაცნაირად უნდა, სიამოვნება მიიღოს იმ დარჩენილი ორი თვისგან, რომელიც მას აკავშირებს პრეზიდენტის თანამდებობასთან, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს ბუდაპეშტში, სალომე ზურაბიშვილის ბუდაპეშტში ვიზიტის შესახებ დასმული კითხვის საპასუხოდ განუცხადა.
მთავრობის მეთაურის თქმით, გავა ეს ორი თვეც და სალომე ზურაბიშვილი ვერანაირ პრობლემას ვერ შეუქმნის ქვეყნის ეროვნულ ინტერესებს.
„ჩვენ ვპირდებოდით საზოგადოებას და საზოგადოებამ გააკეთა ის, რომ ორი პარასკევი აქვს დარჩენილი სალომე ზურაბიშვილს. მას ძალიან მალე გასდის ვადა ყველა თვალსაზრისით, შესაბამისად, რაღაცნაირად უნდა სიამოვნება მიიღოს იმ დარჩენილი ორი თვისგან, რომელიც მას აკავშირებს პრეზიდენტის თანამდებობასთან. გავა ეს ორი თვეც და სალომე ზურაბიშვილი ვერანაირ პრობლემას ვერ შეუქმნის ჩვენს ეროვნულ ინტერესებს“, – განაცხადა პრემიერმა.
