ტრამპის სურვილის შემთხვევაში უკრაინაში კონფლიქტი სწრაფად დასრულდება - ერდოღანი
თურქეთის პრეზიდენტი, რეჯეფ თაიფ ერდოღანი დარწმუნებულია, რომ უკრაინაში კონფლიქტის სწრაფი გადაწყვეტა შესაძლებელია, იმ პირობით, თუ აშშ-ის არჩეული პრეზიდენტის დონალდ ტრამპის ადმინისტრაცია გამოავლენს შესაბამის ნებას და განზრახვას. იუწყება Anadolu Agency.
ერდოღანი ამბობს, რომ „მეტი იარაღი, მეტი ბომბი და მეტი ქაოსი არ დაასრულებს ამ ომს.“
"ზოგიერთი დასავლური ქვეყნის ძალისხმევა, შეერთებული შტატების მეთაურობით, დაასრულოს ომი უკრაინაში, დააჩქარებს ამ კონფლიქტის მოგვარებას. თავიდანვე, შევინარჩუნეთ კონტაქტი ორივე მხარესთან, ჩვენ ასევე დავინახეთ, რომ დასავლეთი საკმარისად არ იზიარებს ჩვენს რწმენას, რომ ეს პრობლემა შეიძლება მოგვარდეს დიპლომატიური გზით. მეტი დიალოგი, მეტი დიპლომატია და მეტი შეთანხმება ხსნის კარს მშვიდობისაკენ. თურქეთმა მოახერხა ორივე მხარის მიყვანა მოლაპარაკების მაგიდასთან. ჩვენ ეს ბევრჯერ გავაკეთეთ და შეგვიძლია კიდევაც. ეს ომი ახლა უნდა დასრულდეს“, - აცხადებს ერდოღანი.
