„ვგრძნობ, რომ გამოხმაურება საჭიროა“ - Edison Reasearch-ის ვიცე-პრეზიდენტი ტვ იმედს პასუხობს
Edison Reasearch-ის ვიცე-პრეზიდენტი, რობ ფარბმანი Facebook-ზე ტვ იმედის სტატუსს გამოეხმაურა და აღნიშნა, რომ მსგავს სიბინძურეს არასოდეს პასუხობს, თუმცა იქიდან გამომდინარე, რომ ტელეკომპანია იმედი სამთავრობო არხია გრძნობს, რომ გამოხმაურება საჭიროა.
"ედისონმა აშშ-ის არჩევნებშიც ააცილა", - წერს ტვ იმედი.
ფარბმანი აღნიშნავს, რომ განსხვავება საქართველოსა და აშშ-ში ჩატარებულ არჩევნებს შორის ის არის, რომ შეერთებული შტატების არჩევნები გაყალბებისგან თავისუფალი იყო.
"Edison Research-ის შედეგები გამოკითხვის დახურვის დროს - 50% ტრამპი, 50% ჰარისი - იყო. ამასთან, Edison-მა სამშაბათიდან მოყოლებული 600-ზე მეტი სხვადასხვა დაპირისპირების გამარჯვებული დაასახელა და არც ერთხელ არ შემცდარა. განსხვავება საქართველოსა და აშშ-ში ჩატარებულ არჩევნებს შორის ის არის, რომ შეერთებული შტატების არჩევნები გაყალბებისგან თავისუფალი იყო", - წერს Edison Reasearch-ის ვიცე-პრეზიდენტი.
