ბელარუსი BRICS-ის ოფიციალური პარტნიორი გახდა

ბელარუსი BRICS-ის ოფიციალური პარტნიორი გახდა. ამის შესახებ ინფორმაციას ქვეყნის საგარეო საქმეთა სამინისტრო ავრცელებს.

ლუკაშენკოს აზრით, ბელარუსი BRICS-ის ყველა სტანდარტს აკმაყოფილებს: აქვს გავლენა რეგიონსა და მსოფლიოში, მხარს უჭერს მშვიდობას და უსაფრთხოებას, ვითარდება სოციალურად და ეკონომიკურად.

BRICS არის მსოფლიოს ხუთი, სწრაფად განვითარებადი ეკონომიკის მქონე ქვეყნის გაერთიანება, რომელიც საკუთარ თავს "დიდი შვიდეულის" ალტერნატივად განიხილავს და ცდილობს, შეცვალოს, მისი ხედვით, "შეერთებული შტატებისა და მისი მოკავშირეების მიერ დომინირებული საერთაშორისო წესრიგი".

BRICS–ის ქვეყნები არიან:

B - ბრაზილია

R - რუსეთი

I - ინდოეთი

C - ჩინეთი

S - სამხრეთ აფრიკის რესპუბლიკა.