ბოლო 24 საათში რუსეთმა უკრაინის მიმართულებით 120 რაკეტა და 90 უპილოტო საფრენი აპარატი გაუშვა
უკრაინის პრეზიდენტის, ვოლოდიმირ ზელენსკის ინფორმაციით, ბოლო 24 საათში რუსეთმა უკრაინის მიმართულებით 120 რაკეტა და 90 უპილოტო საფრენი აპარატი გაუშვა.
ზელესნკის თქმით, გამოყენებული იქნა არაერთი სახეობის დრონები, მათ შორის ირანში დამზადებული „შაჰედის“ ტიპის დრონები. პრეზიდენტის ინფორმაციით, უკრაინის თავდაცვის ძალებმა 140 საჰაერო სამიზნე გაანადგურეს.
„მტრის სამიზნე იყო ჩვენი ენერგეტიკული ინფრასტრუქტურა. სამწუხაროდ, ობიექტებზე არის დაზიანება. მიკოლაივში დრონით განხორციელებული თავდასხმის შედეგად ორი ადამიანი დაიღუპა, ექვსი დაშავდა, მათ შორის ორი ბავშვი“, – განაცხადა ზელენსკიმ.
ამასთან, კიევის საქალაქო სამხედრო ადმინისტრაციის ხელმძღვანელის განცხადებით, დღეს დილით განხორციელებული შეტევა ყველაზე ძლიერი იყო ბოლო სამი თვის განმავლობაში.
