განათლების მინისტრის მოადგილედ ბაია კვიციანი დაინიშნა
საქართველოს განათლების, მეცნიერებისა და ახალგაზრდობის მინისტრის მოადგილედ ბაია კვიციანი დაინიშნა. აღნიშნულის შესახებ ინფორმაციას განათლების სამინისტრო ავრცელებს.
მანამდე კი, ბაია კვიციანი „ქართული ოცნების“ რიგებიდან მე-10 მოწვევის პარლამენტის დეპუტატი იყო, კერძოდ კი, განათლების, მეცნიერებისა და ახალგაზრდობის კომიტეტის თავმჯდომარის მოადგილე. ასევე იყო ბავშვის უფლებათა დაცვის მუდმივმოქმედი საპარლამენტო საბჭოს თავმჯდომარე, კულტურის კომიტეტის წევრი და გენდერული თანასწორობის მუდმივმოქმედი საპარლამენტო საბჭოს წევრი.
