სასამართლომ აქციის ერთ-ერთ მონაწილეს, ილია სეთურს 500-ლარიანი ჯარიმა დააკისრა
საქალაქო სასამართლომ აქციის ერთ-ერთ მონაწილეს, ილია სეთურს 500-ლარიანი ჯარიმა დააკისრა, 11 პირის პროცესი კი საქალაქო სასამართლოში 11 დეკემბრისთვის გადაიდო.
სხდომა ახსნა-განმარტების ეტაპზე შეწყდა. მომდევნო პროცესზე, სავარაუდოდ, მოწმეებს გამოჰკითხავენ და მტკიცებულებებს გამოიკვლევენ. საუბარია 10 და 17 ნოემბერს გამართული აქციების დროს, გზების ხელოვნურად გადაკეტვაზე.
შინაგან საქმეთა სამინისტრო აქციის მონაწილეებს ადმინისტრაციული კოდექსის 174-ე პრიმა მუხლის, შეკრებისა და მანიფესტაციის წესის დარღვევას ედავება.
