"მე­ზობ­ლე­ბი სწრა­ფად მოძ­რა­ო­ბენ უკ­რა­ი­ნის გზა­ზე ბნე­ლი უფსკრუ­ლის­კენ. ჩვე­უ­ლებ­რივ, ეს ძა­ლი­ან ცუ­დად მთავ­რდე­ბა" - დი­მიტ­რი მედ­ვე­დე­ვი ქართველებზე

სა­ქარ­თვე­ლო­ში არის მო­რი­გი "ფე­რა­დი“ ("ვარ­დე­ბის“, "ნა­რინ­ჯის­ფე­რი“ და ა.შ.) რე­ვო­ლუ­ცი­ის მცდე­ლო­ბა, - ამის შე­სა­ხებ რუ­სე­თის უშიშ­რო­ე­ბის საბ­ჭოს თავ­მჯდო­მა­რის მო­ად­გი­ლე, დი­მიტ­რი მედ­ვე­დე­ვი "ტე­ლეგ­რამ“ არხზე წერს.

"ქუ­ჩა­ში ხალ­ხის ნა­წი­ლი ყვი­რის, ან­გრევს და ცე­ცხლს უკი­დებს, მე­ო­რე ნა­წი­ლი დუმს. სა­ქარ­თვე­ლოს ვა­და­გა­სულ­მა "პრე­ზი­დენ­ტმა“, ზბიგ­ნევ ბჟე­ზინ­სკის გულ­მოდ­გი­ნე ფრან­გმა სტუ­დენ­ტმა, გიჟ­მა დე­ი­და სა­ლო­მემ გა­ნა­ცხა­და, რომ სა­ვარ­ძელს არ და­ტო­ვებს, რად­გან არ­ჩევ­ნებს არ ცნობს“, - წერს მედ­ვე­დე­ვი.

მისი მტკი­ცე­ბით, ადრე ამის­თვის ხალ­ხს "ბო­ძებ­ზე ჰკი­დებ­დნენ“.

"ახლა ჰუ­მა­ნუ­რი დროა. ის გა­ნა­ხორ­ცი­ე­ლებს. ზო­გა­დად, ყვე­ლა წი­ნა­პი­რო­ბა არ­სე­ბობს იმი­სათ­ვის, რომ სა­ქარ­თვე­ლო კი­დევ ერთხელ ჩა­ვარ­დეს სა­მო­ქა­ლა­ქო და­პი­რის­პი­რე­ბის უფსკრულ­ში, აი­ძუ­ლონ არ­ჩე­ვა­ნი გა­ა­კე­თოს ერთი მხრივ თავ­ხე­დურ ევ­რო­კავ­შირს, ნატო-სა და პინ­დოს­ტანს შო­რის და მე­ო­რე მხრივ, სა­ქარ­თვე­ლოს უძ­ვე­ლეს მი­წას შო­რის. მოკ­ლედ რომ ვთქვათ, მე­ზობ­ლე­ბი სწრა­ფად მოძ­რა­ო­ბენ უკ­რა­ი­ნის გზა­ზე ბნე­ლი უფსკრუ­ლის­კენ. ჩვე­უ­ლებ­რივ, ეს ძა­ლი­ან ცუ­დად მთავ­რდე­ბა“, - წერს მედ­ვე­დე­ვი.